काठमाडौं : बाँकेको बैजनाथ गाउँपालिका-५ मा आज भएको सवारी दुर्घटना १ जनाको मृत्यु भएको छ भने १० जना घाइते भएका छन्।
भे १ क २१९६ नम्बरको मिनी ट्रक र भे १ ज ४४९ नम्बरको म्याजिक ठक्कर खाई भे ११ प २८०० नम्बरको मोटरसाइकलमा ठोक्किँदा दुर्घटना भएको हो। मृत्यु हुनेमा म्याजिक चालक बर्दियाको बासगढी नगरपालिका-४ बस्ने ४५ वर्षीय राम बहादुर कुँवर रहेका छन्।
नेपालगञ्ज मेडिकल कलेज कोहलपुरमा उपचारको क्रममा उनको मृत्यु भएको हो। दुर्घटनामा परी घाइते भएका सबैको सोही अस्पतालमै उपचार भइरहेको छ। तीनैवटा सवारी साधनसहित ट्रक चालकलाई प्रहरीले नियन्त्रणमा लिएको छ।
प्रतिक्रिया दिनुहोस !
