जाजरकोट : पेस्तोल प्रदर्शन गरेर डर त्रास देखाउने व्यक्तिलाई प्रहरीले पक्राउ गरेको छ। रुकुम पश्चिमको आठविसकोट नगरपालिका-१३ भल्मा बस्ने अन्नत खत्रीलाई प्रहरीले पक्राउ गरेको हो।
गत भदौ ३ गते जाजरकोटको नलगाड नगरपालिका-१ कल्पतस्थित केटाकेटीले श्रीकृष्ण जन्माष्टमिको अवसरमा नाचगान गरिरहेको बेला अन्नत खत्री र रमेश मल्ल आई आफूसँग रहेको पेस्तोल देखाई डरत्रास देखाएका थिए।
स्थानीयले नियन्त्रणमा लिन खोज्दा पेस्तोल सोही ठाउँमा छोडी भागेको सूचनाका आधारमा खोजतलास गर्ने क्रममा मंगलबार पक्राउ परेका जिल्ला प्रहरी कार्यालय जाजरकोटले जनाएको छ।
कार्यालयमा दाखिला गरी हातहतियार तथा खरखजाना सम्बन्धी कसुरमा अनुसन्धान भई सोमबार नै जिल्ला अदादत जाजरकोटबाट पाँच दिनको म्याद थप लिई अनुसन्धान भई रहेको र फरार रहेका मल्लको खोजी भइरहेको प्रहरीले जनाएको छ।
प्रतिक्रिया दिनुहोस !
