स्याङ्जा : नेपाली कांग्रेसका केन्द्रिय उपसभापति धनराज गुरुङ्ले पद प्राप्तिका लागि मात्र राजनीति गर्न नहुने बताएका छन्। कांग्रेस स्याङ्जाद्धारा आयोजित ‘जनतासँग नेपाली काँग्रेस’अभियान कार्यक्रममा उपसभापति गुरुङले राजनीति गर्नेले राष्ट्र र नागरिकका हितमा काम गर्न प्रतिवद्ध हुनुपर्ने बताएका हुन्।
‘जनताका साथले मात्र मुलुकका ठूल्ठूला आन्दोलन सफल भएका हुन्, राणादेखि निरंकुश शासन व्यवस्था र गणतन्त्र ल्याउनसम्म नागरिककै महत्वपूर्ण योगदान छ।’ उनले भने, ‘मुलुकको आजका आवश्यकता र नागरिक हितका पक्षमा काम गर्न प्रतिबद्धता भएमात्र राजनीति सफल हुन्छ।’
नागरिकका घर घरमा पुगेर नागरिकका गुनासा सुन्न समेत उनले सुझाव दिए। आउँदो निर्वाचनमा सबैले मिलेर पार्टीलाई जिताउनुपर्नै बताए। उनले सबै जनताका मन जितेर काम गर्न सुझाव दिए।
नेपाली कांग्रेसले संघिय तथा प्रादेशिक निर्वाचनलाई लक्षित गरेर स्थानीय टोल टोलका नागरिकसम्म पुग्नेगरी अभियान सञ्चालन गर्ने भएको हो। पहिलो चरणको अभियान २ सातासम्म सञ्चालन हुनेछ।
जिल्लाका ११ वटै स्थानीय तह र ९७ वटै वडा र टोल सम्म पुग्ने गरी सुरु गरिएको उपसभापति केदार काफ्लेले जानकारी दिए।
प्रतिक्रिया दिनुहोस !
