प्रदेशस्तरीय प्रतियोगिताका लागि बैतडीमा क्रिकेट टिम छनौट
भदौ १२, २०७९ आइतबार २०:५४:०
बैतडी : प्रदेशस्तरीय प्रतियोगिताका लागि बैतडीको क्रिकेट टिम छनौट भएको छ।
बसन्त खत्रीको कप्तानीमा १८ सदस्यीय क्रिकेट टोली छनौट गरिएको हो। यही भदौ १४ गते प्रदेश राजधानी धनगढीमा आयोजना हुने प्रतियोगिताका लागि टिम छनौट भएको जिल्ला खेलकुद विकास समितिका प्रमुख तर्कराज जाशीले जानकारी दिए।
टोलीमा कप्तान खत्रीसँगै उपकप्तान दिपक बोहरा, राम बहादुर चन्द, जगेन्द्र बोहरा, खडक बोहरा, वीरेन्द्र नाथ, लोकन्द्र चन्द, नरेन भट्ट, सुनिल चन्द, भुपेन्द्र चन्द, हिम्मत महरा, रिसिकेश बोहरा, दिपेन्द्र भण्डारी, बुद्धिमान बिष्ट रहेका छन्।
यसैगरी वैकल्पिक खेलाडीमा मिलन भट्ट, आकाश चन्द, बिरेन्द्र चन्द, विशाल चन्द रहेका छन्।
नवौं राष्ट्रिय खेलकुद प्रतियोगिताको प्रदेशस्तरीय छनौटको रूपमा खेलाइने खेलमा सुदूरपश्चिम प्रदेशका ९ वटै जिल्लाको टिमले सहभागिता जनाउने छ।
यही भदौ १४ गतेबाट हुने खेलमा बैतडीले पहिलो खेल डोटीसँग खेल्ने छ। नवौं राष्ट्रिय खेलकुद प्रतियोगितामा सहभागी हुनका लागि सुदूरपश्चिम प्रदेशको टिम छनौट गरिने छ।
नवौं राष्ट्रिय खेलकुद प्रतियोगिता अन्तरगतको क्रिकेट प्रतियोगिता भने भदौ २२ गतेबाट काठमाडौंमा हुने छ।
प्रतिक्रिया दिनुहोस !
