बैतडी एमालेले दुवै क्षेत्रमा उम्मेदवारको टुंगो लगायो : संघमा भण्डारी, प्रदेशमा भट्ट र पाल सिफारिस
भदौ १७, २०७९ शुक्रबार १२:१२:०
बैतडी : मंसिर ४ मा हुने प्रतिनिधि सभा र प्रदेश सभा निर्वाचनका लागि बैतडीबाट नेकपा एमालेले उम्मेदवारको टुंगो लगाएको छ ।
प्रत्यक्षतर्फ प्रतिनिधि सभाका लागि वर्तमान प्रतिनिधि सभा सदस्य समेत रहेका दामोदर भण्डारीलाई नै उम्मेदवार बनाउने सहमति भएको छ । दामोदर भण्डारी दोस्रो संविधान सभाको निर्वाचनमा त्यसपछि
बाम गठबन्धनबाट प्रतिनिधि सभा निर्वाचन २०७४ मा विजयी भएका हुन् । उनी नेकपा एमालेका प्रदेश कमिटी अध्यक्ष समेत हुन् ।
यसैगरी प्रदेशसभाका लागि दुई निर्वाचन क्षेत्र रहेको बैतडीमा उम्मेदवारको टुङ्गो लगाएको छ । क्षेत्र नं (क) बाट एमालेका जिल्ला अध्यक्ष समेत रहेका नेता सुरेन्द्र पाल र क्षेत्र नं (ख)बाट लिलाधर भट्टलाई उम्मेदवार बनाउने सहमति भएको छ । लिलाधर भट्ट वर्तमान प्रदेश सभा सदस्य समेत हुन् ।
सर्बसहमतिअनुसार तीनैजनाको नाम प्रदेश तथा केन्द्रमा सिफारिस गर्ने सहमति भएको नेकपा एमालेका जिल्ला कमिटी उपसचिव लोकेन्द्र भण्डारीले जानकारी दिए । स
र्बसहमतिअनुसार उम्मेदवारको नाम सिफारिस गरिएको हुनाले संघबाट उनीहरुको नै नाम आउने उपसचिव भण्डारीले बताए । बिहीबार साँझ बसेको बैठकबाट बैतडीबाट प्रदेश तथा प्रतिनिधि सभा सदस्य उम्मेदवारहरुको टुङ्गो लगाएको हो ।
एमालेले २२ गतेभित्र जिल्ला र क्षेत्रबाट उम्मेदवारको टुङ्गो लगाउन निर्देशन दिएको छ।
प्रतिक्रिया दिनुहोस !
