जसपा बर्दियाले गर्यो उम्मेदवारको नाम सिफारिस
गुलरिया : जनता समाजवादी पार्टी (जसपा) बर्दियाले आगामी मंसिर ४ गते हुने प्रदेश सभा र प्रतिनिधि सभा निर्वाचनको लागि उम्मेदवारको नाम सिफारिस गरेको छ।
जसपा जिल्ला समन्वय समिति बर्दियाले निर्णय गर्दै उम्मेदवारको नाम सिफारिस गरेको हो।
समानुपातिकतर्फ प्रतिनिधि सभा क्षेत्र नम्बर १ बाट चिरञ्जीवी थारु (जनजाति) र हासिम अलि सिद्धिकी (मुस्लिम) सिफारिस भएका छन्।
क्षेत्र नम्बर १ (क) प्रदेश सभा प्रत्यक्षतर्फ दीप बहादुर शाही र १ (ख) मा कृष्णप्रसाद अहिर तथा मलखे यादव सिफारिस भएका हुन्।
समानुपातिकतर्फ १ (क) मा खसआर्यबाट केशवराज पौडेलको नाम सिफारिस भएको यादवले बताए। प्रदेश सभा सदस्य क्षेत्र नम्बर १ (ख) बाट समानुपातिकतर्फ धनाकुमारी थारु (जनजाति महिला), सुधाकर मिश्रा (मधेसी), निरंकार यादव (मधेसी), मोहम्मद वसिम हलुवाई (मुस्लिम) कोटाबाट सिफारिस गरिएको छ।
प्रतिनिधि सभा सदस्य क्षेत्र नम्बर २ बाट प्रत्यक्षमा कृष्णा थापाको नाम सिफारिस भएको छ। प्रदेश सभा सदस्य प्रत्यक्षतर्फ क्षेत्र नम्बर २ (क) मा शान्ता पौडेल र २ (ख) मा मोहम्मद नसिम खाँको नाम सिफारिस भएको हो।
समानुपातिकतर्फ २ (ख) मा खसआर्यबाट रेणु सिंहको नाम सिफारिस भएको छ।