विद्यार्थी कुट्ने युवकलाई कारवाही गर्नुपर्ने भन्दै आन्दोलित
भदौ २६, २०७९ आइतबार ११:३०:०
बैतडी : बैतडीको दशरथचन्द नगरपालिका ५ मा रहेको दशरथचन्द मावि सुन्दरखालीका विद्यार्थीलाई कुटपिट गर्ने युवकलाई कारवाहीको माग गर्दै विद्यार्थीहरु आन्दोलित बनेका छन् । सैयौंको संख्यामा आइतबार विद्यार्थी जिल्ला प्रशासन कार्यालय अगाडि धर्नामा उत्रिएका हुन्।
शनिबार नेपाली सेनाले विद्यार्थीलाई दिंदै आएको एनसीसी तालिमको क्रममा भलिबल खेलिरहेका विद्यार्थीमाथि होहल्ला गरेको भन्दै अन्दाजी २५ वर्षीय सुदीप चन्दले कक्षा ९ मा अध्यानरत प्रेम चन्दलाई कुटपिट गरेका जिल्ला प्रहरी कार्यालय बैतडीका सुचना अधिकारी, प्रहरी निरीक्षक लोकराज जोशीले जानकारी दिए ।
प्रेम चन्दको घाँटी, हात र ढाडमा चोट लागेको विद्यालयले जनाएको छ । विद्यार्थीमाथि हातपात गर्ने चन्दलाई कारवाहीको माग गर्दै विद्यार्थीहरु प्रदर्शनमा उत्रिएका प्रहरी निरीक्षक जोशीले बताए । ‘हिजोको घटना रहेछ, आज जानकारीमा आएको छ, घटनाबारे अनुसन्धान हुँदैछ,’ उनल भने ।
भलिबल खेलाइरहेका नेपाली सेनाका खेल प्रशिक्षकमाथि पनि अभद्र ब्यावहार गरेको एक शिक्षकले बताए ।
प्रतिक्रिया दिनुहोस !
