भारतमा बाइकमा आएका २ व्यक्तिले हाइवेमै ११ जनालाई गोली हाने : एकको मृत्यु, अन्य घाइते

बिहार : बिहारको बेगुसरायमा मंगलबार साँझ ६ बजे एनएच-२८ बाइकमा सवार दुई जनाले हाइवेमै अन्धाधुन्ध गोली हानेका छन्। दुवै जनाले  हाइवेको ३० किलोमिटर दायराभित्र गोली हानेका थिए । 

बाटोमा जो भेटियो त्यसैलाई अन्धाधुन्ध गोली प्रहार गरेका उनीहरुले ११ जनालाई गोली हानेका छन् । 

गोली लागेर पञ्चायत समितिका सदस्य अमित कुमारको मृत्यु भएको छ। साथै गोली लागेर निजी वित्तका कर्मचारीसहित १० जना घाइते भएका छन् । जसमध्ये ३ जनाको अवस्था गम्भीर छ । 

प्रहरीले समस्तीपुरबाट २ संकास्पदलाई पक्राउ गरेको छ । भाजपाले सोही घटनाको कारण आज बेगुसराय बन्दको आह्वान गरेको छ । केन्द्रीय मन्त्री गिरिराज सिंहले नितिश कुमारको राजीनामा मागेका छन् । एसपीले यस विषयमा प्रहरीको लापरवाही भएको स्वीकार गर्दै ७ प्रहरीलाई निलम्बित गरेका छन् ।

घटनामा एक जनाको मृत्यु भएको बेगुसरायका एसपीले बताए । चन्दन कुमारको मूत्यु भएको छ भने, विशाल सोलंकी (पटना), रञ्जित यादव (मोकामा), नितेश कुमार (बेगुसराय), गौतम कुमार (तेय), अमरजीत कुमार (बरौनी), नितिश कुमार (मन्सुरचक), मोहन राजा (मरांची), प्रशान्त कुमार, रजक र भरत यादव घाइते भएका छन् । 

एनएच-२८ मा, कालो हेलमेट र सेतो शर्ट लगाएका एक जनाले मोटरसाइकल चलाएका थिए भने पछाडि बसेका युवकले निर्मम रूपमा बन्दुक चलाएका थिए। उनीहरुले ४० मिनेटमा ३० किलोमिटरसम्म भएका ११ जनालाई गोली हानेका हुन् ।

समस्तीपुरको उजियारपुर प्रहरीले मंगलबार राति राष्ट्रिय राजमार्ग–२८ स्थित बहिरा चोक नजिकै सवारी चेकजाँचका क्रममा मोटरसाइकलमा सवार दुईजनालाई पक्राउ गरेको छ । दुवैको साथबाट पेस्तोल र भारी मात्रामा कारतूस बरामद भएको छ । दुवैको उमेर २५–२६ वर्षको हाराहारीमा छ ।

बेगुसरायमा यी दुईले नै गोली चलाएको हुनसक्ने प्रहरीले अनुमान गरेको छ । सोधपुछका क्रममा उनीहरुले आफूले गोली नचलाएको बताएका छन् । दुवै बेगुसराईका बासिन्दा हुन् । 

घटनाबारे थाहा पाएपछि बेगुसरायको प्रहरी उजियारपुर पुग्न लागेको छ । घटनापश्चात् ७ जिल्लामा अलर्ट जारी गरिएको छ । बेगुसराय र पटना बाहेक समस्तीपुर, खगरिया, नालन्दा, लखीसराय र मुंगेर जिल्लाको सिमानामा नाकाबन्दी गरिएको गरिएको छ। उनीहरुको खोजीमा यी जिल्लाका प्रहरीले ठाउँ–ठाउँमा छापा मारिरहेका छन् । बेगुसरायको सिमाना सिल गरिएको छ । दैनिक भास्कर