काभ्रे : काभ्रेमा पहिरो खसेर घर पुरिँदा दुई जनाको मृत्यु भएको छ। बेथानचोक गाउँपालिका-४ चलाल गणेस्थानमा रहेको ढुंगा खानीबाट खसेको पहिरोले पुरिँदा ४४ वर्षीय निरबहादुर तामाङ र ४० वर्षीया साबित्री तामाङको घटनास्थलमै मृत्यु भएको जिल्ला प्रहरी कार्यालय काभ्रेका प्रमुख एसपी चक्रराज जोशीले जानकारी दिए । 
पहिरोमा परेर गम्भीर घाइते भएकी ठुलिमाया तामाङको बनेपामा रहेको शिरमेमोरियल अस्पतालमा उपचार भइरहेको छ। घरमा सुतिरहेको अवस्थामा राती २ बजेतिर ढुंगा खानीबाट पहिरो खसेको हुन सक्ने प्रहरीको प्ररम्भिक अनुमान रहेको जोशीले बताए। स्थानीय र प्रहरीले उद्धार गर्ने क्रममा दुई जनाको शव भेटिएको हो।
प्रतिक्रिया दिनुहोस !
१
