गुलरिया : बुधबार रातीदेखि परेको अविरल बर्षाका कारण बबई नदीको जलस्तर खतराको तह पार गरेको छ। बर्दिया लगायत आसपासका क्षेत्रमा निरन्तर बर्षा भएपछि नदीको सतह बढेको हो।
बबई नदीको जलस्तर बढेर खतराको तह पारगरेको नेपालको हाईड्रोलोजीले जनाएको छ। बबई नदीको चेपाङमा पानीको सतह ६ दशमलव १३ मिटर पुगेको छ। चेपाङमा ५ दशमलव ५० चेतावनी र ६ दशमलव १० मिटरलाई खतराको तह मानिन्छ। बर्षा अझै भैरहेकोले बबई र कर्णाली नदीका तल्लो तटिय क्षेत्रमा बसोबास गर्ने समुदायह?लाई सतर्क रहन स्थानीय प्रशासनले सजग गराएको छ।
औराही खोला गोदानामा २ सय २७ दशमलव ६ मिलिमिटर बर्षा भएको छ। २४ घण्टामा १ सय ४० मिलिमिटर बर्षालाई खतरा मानिन्छ। निरन्तरको बर्षाका कारण जनजीवन प्रभावित बनेको छ।
प्रतिक्रिया दिनुहोस !
