काभ्रे : जिल्लाको रोशी गाउँ पालिका वडा न ११ बाट आफ्नै श्रीमती माथी खुकुरी प्रहार गर्ने राजकुमार बिकलाई प्रहरीले नियन्त्रणमा लिएको छ । रोशी गाउँ पालिका वडा न ७ कन्टुन्जेका राज कुमार बिक ले घरायसी झगडामा आफ्नै श्रीमतीलाई शनिबार बिहान ५ बजे खुकुरी प्रहार गरिएको ईलाका प्रहरी कार्यालय मंगलटार प्रहरी निरीक्षक हरि खड्काले जानकारी दिए ।
बिकले ससुराली रोशी ११ भिमखोरिमा सबै सुतिरहेको बेलामा श्रीमती माथी खुकुरी प्रहार गरेर भागेको र तत्काल प्रहरीले नियन्त्रणमा लिएको निरीक्षक खड्काले बताए । बिककी श्रीमती साइली बिक गम्भीर घाइते भएकी छन्। उनको धुलिखेल अस्पतालमा उपचार भइरहेको निरीक्षक खड्काले जानकारी दिए ।
बिकलाई नियन्त्रणमा लिएर थप अनुसन्धान गरिरहेको ईलाका प्रहरी निरीक्षक हरि खड्काले जानकारी दिए ।
प्रतिक्रिया दिनुहोस !
