कोदाली, बेल्चा, गैती उचाल्दै
स्वच्छ र सफाको बसाउँछु थिती
विद्युतीय सवारी म आफैं हाक्छु
दिगो विकासको अभियान चलाउँछु
संरक्षण गर्छु धारा र हिटी
मै सफा गर्छु मेरो पृथ्वी ।
फोहरलाई मोहोर पार्छु
कार्बन उत्सर्जन शून्यमा झार्छु
स्वच्छ ऊर्जाको गराउँछु वृद्धि
मै सफा गर्छु मेरो पृथ्वी ।
घुमफिर गर्न साइकल किन्छु
हरित नागरिकको परिचय दिन्छु
भएका सारा लगाई जुक्ति
मै सफा गर्छु मेरो पृथ्वी ।
प्रतिक्रिया दिनुहोस !
