काठमाडौं : कपनको राम मन्दिर नजिकै भएको आगलागीमा तीन जनाको मृत्यु भएको छ। जिल्ला प्रहरी परिसर काठमाडौंका प्रमुख एसएसपी भरतबहादुर बोहोराले ट्रेकिङसम्बन्धी काम गर्ने कार्यालयमा आगलागी भएको जानकारी दिएका छन्।
भूइँतलामा अक्सिजन सिलिण्डर पड्कियर आगलागी भएको हो। बेलुकी पौने ७ बजेतिर ठूलो आवाजसँगै आगो लागेको प्रत्यक्षदर्शीको भनाइ छ।
बोहोराका अनुसार मृतकको पहिचान खुलेको छैन। आगलागी नियन्त्रणमा लिन काठमाडौं, ललितपुर र भक्तपुरको दमकल प्रयोग गरिएको उनले बताए।
प्रतिक्रिया दिनुहोस !
