पाकिस्तानमा बाढीले १६ सयको मृत्यु, तीन करोड मानिस प्रभावित
स्लामावाद : आर्थिक संकट झेलिरहेको पाकिस्तानमा वर्षाले दोहोरो समस्या निम्त्याएको छ । बाढीका कारण हालसम्म पाकिस्तानमा १६ सयभन्दा बढीको मृत्यु भइसकेको छ । मानिसहरू पानीजन्य रोगहरूको जोखिममा छन्। खानेपानीको आपूर्ति अवरुद्ध भएको छ । बाढीले पाकिस्तानलाई ४० अर्ब डलरभन्दा बढीको आर्थिक नोक्सान हुन सक्ने आकलन गरिएको छ।
पाकिस्तानमा बाढीले विनाश निम्त्याएको छ। उज्वेकिस्तानले भोकमरी र महंगीको सामना गरिरहेको पाकिस्तानका लागि मानवीय सहयोगको अपील गरेको छ। एससीओ शिखर सम्मेलनमा बाढीको अवस्थाबारे बोल्दै प्रधानमन्त्री शाहबाज सरिफ भावुक देखिएका थिए । उनले यसलाई पाकिस्तानका लागि अहिलेसम्मकै सबैभन्दा खराब अवस्था बताए।
विश्व स्वास्थ्य संगठन (डब्लुएचओ) ले विनाशकारी बाढीका कारण पाकिस्तानमा पानीजन्य रोगको प्रकोप बढ्न सक्ने आशंका गरेको छ । डब्ल्यूएचओ प्रमुख टेड्रोस अधानोम गेब्रेयससले एक विज्ञप्तिमा पाकिस्तानका बाढी प्रभावित क्षेत्रमा पानी आपूर्ति अवरुद्ध भएको छ।
यसले गर्दा मानिसले पिउन योग्न पानी पाएका छैनन्। दुषित पानी पिउनाले हैजा र धेरै रोगहरू निम्त्याउने उनले बताएका छन्।
एक प्रतिवेदन अनुसार बाढीबाट हालसम्म तीन करोडभन्दा बढी मानिस प्रभावित भएका छन्। ६४ लाख मानिसलाई मानवीय सहायताको खाँचो रहेको एक प्रतिवेदनले देखाएको छ । त्यसमा १६ लाखभन्दा बढी महिला छन्।, जसमध्ये करिब एक लाख ३० हजार गर्भवती महिलालाई तत्काल सहयोग आवश्यक छ। बाढीका कारण महिलाको अवस्था निरन्तर नाजुक बन्दै गएको छ । एबीपी न्युज