नुवाकोट : ककनीको सिमटारमा बाढीले मोटरसाइकल बगाउँदा एक बालिकाको मृत्यु भएको छ भने एक बालक बेपत्ता भएका छन्। मृत्यु हुनेमा शिवराम घिमिरेका ८ वर्षीया छोरी बेबिसा घिमिरे छिन्। उनको उपचारको क्रममा मृत्यु भएको हो। चार वर्षीय छोरा श्रेयान घिमिरे भने बेपत्ता छन्।
ककनी गाउँपालिका-२ सिमटारबाट दसैंको टीका थाप्न आफन्तकहाँ जाँदै गर्दा मोटरसाइकललाई बाढीले बगाएको प्रहरीले जनाएको छ। बेपत्ताको खोजीकार्य भइरहेको जिल्ला प्रहरी कार्यालय नुवाकोटले जनाएको छ।
प्रतिक्रिया दिनुहोस !
