काठमाडौं : एमाले पोलिटब्युरो सदस्य एवं पूर्वसांसद बालकृष्ण ढुंगेलको निधन भएको छ। ओखलढुंगाका नेता ढुंगेलको काठमाडौं काँडाघारीस्थित निवासमा निधन भएको हो।
जिल्ला प्रहरी परिसर काठमाडौंका प्रमुख भरत बोहोराका अनुसार घरमा एक्लै रहेका ढुंगेल आज विहान बाथरुममा मृत भेटिएका थिए। उनी चिप्लिएर लडेको हुनसक्ने बताइएको छ।
पारिवारिक सदस्य अर्जुन ढुंगेलका अनुसार नेता ढुंगेल लामो समयदेखि किड्नीका बिरामी थिए। डेंगु भएपछि उनी घरमै आराम गरिरहेका थिए।
प्रतिक्रिया दिनुहोस !
