तानसेन : रुखबाट लडेर तिनाउ गाउँपालिका वडा नं २ दोभानका ३० वर्षीय विष्णु सारुको मृत्यु भएको छ। लडेर घाइते भएका सारुको लुम्बिनी प्रादेशिक अस्पताल बुटवलमा शनिबार बिहान मृत्यु भएको जिल्ला प्रहरी कार्यालयका सूचना अधिकारी वीरृन्द्र थापाले जानकारी दिए।
सारु शुक्रबार राती दोभानकै तारे जंगलमा अरिंगाल पोल्न रुखमा चढेको समयमा लडेर घाइते भएका थिए। सारुसहित अरिंगाल पोल्न सोही ठाउँकै ३२ वर्षीय पुर्णबहादुर राना जंगल पुगेका थिए। रुखबाट खसी घाइते भएका सारु लडेर एक सय मिटर तल झरेका थिए। घटनाको विषयमा थप अनुसन्धान जारी रहेको पाल्पा प्रहरीले जनाएको छ।
प्रतिक्रिया दिनुहोस !
