तनहुँ : नवौं राष्ट्रिय खेलकुदअन्तर्गत तनहुँमा सञ्चालित थ्री बाइ थ्री महिला बास्केटबल प्रतियोगितामा त्रिभुवन आर्मी र बागमती प्रदेशले विजयी सुरुवात गरेका छन्।
शनिबार भएको खेलमा आर्मीले लुम्बिनी प्रदेशलाई १४-७ को अन्तरमा पराजित गरेको हो। आर्मीको जितमा जेनिशा श्रेष्ठ एक्लैले ८ अंक जोडिन्।
त्यस्तै, बागमती प्रदेशले मधेस प्रदेशलाई फराकिलो अन्तरले हरायो। खेलमा बागमतीले मधेस प्रदेश विरूद्ध १४-२ को अन्तर बनाएको थियो। बागमतीको शानदार जितमा आस्था चौधरीले ८ अंक जोडेकी थिइन।
प्रतिक्रिया दिनुहोस !
