भक्तपुर : किसान भेला गराएर भक्तपुर नगरपालिकाले कम्पोष्ट मल प्रयोग गर्न सिकाएको छ ।
सोमबार नगरभित्रका किसानलाई भेला गराएर नगरपालिकाले सीएनबीएम प्रविधिबाट उत्पादित कम्पोष्ट मलको प्रयोगबारे किसानलाई जानकारी गराइएको हो ।
भक्तपुर नगरपालिकाकी उपप्रमुख रजनी जोशीले नगरपालिकाले फोहोरबाट मल बनाइएको बताइन । उनले कुहिने फोहरबाट कम्पोष्ट मल बनाएर प्रति केजी २० रुपैयाँमा किसानलाई बिक्री गरिएको र पुन:प्रयोग गर्न सकिने फोहर बिक्री गरी आम्दानी गराउने गरी नगरले काम गरिरहेको बताइन ।
४ वर्ष अघिदेखि कुहिने र नकुहिने फोहर अलगअलग दिन संकलनलाई प्राथमिकतामा राखेर नगरपालिकाले फोहर संकलन गर्दै आएको उनले बताइन ।
भक्तपुर नगरपालिका वडा नं. ९ का वडाध्यक्ष एवम् वातावरण समितिका संयोजक रवीन्द्र ज्याख्वले मौलिक प्रविधिसँग मिल्दोजुल्दो जापानीज प्रविधिबाट भक्तपुर नरपालिकाले फोहोरबाट मल बनाउने कार्य गर्दै आएको बताए । फोहोर व्यवस्थापन राम्रोसँग गर्न सके धेरै समस्या आफैँ समाधान हुँने उनको भनाइ छ ।
भक्तपुर नगरपालिका वडा नं. ६ का वडा सदस्य गोविन्द दुवालले भक्तपुर नगरपालिकाले फोहारबाट निकालेको मल यहाँको किसानलाई मात्र नभई बहुमत जनताको समस्या समाधान गर्ने उद्देश्यले अगाडि सारेको बताए । नगरले गरेको काम जनताको हितमा लक्षित भएको दुवालको भनाइ छ ।
प्रतिक्रिया दिनुहोस !
