भक्तपुर : जन्मकैद फैसला भई १२ वर्षदेखि फरार अभियुक्त पक्राउ परेका छन्।
२०६७ माघ २४ गते राति दाङको घोराही उपमहानगरपालिका वडा-१९ बस्ने ३२ वर्षीय सूर्य बहादुर रानालाई कर्तव्य गरी मारिएको आरोपमा देउखुरी जिल्ला अदालतबाट जन्मकैद कैद सजाय फैसला भएको थियो।
फरार रहेका प्रेमबहादुर रानालाई भक्तपुर प्रहरीले सोमबार पक्राउ गरेको छ।
प्रहरी वृत्त ठिमीबाट खटिएको प्रहरी टोलीले ठिमी संगम चोक भक्तपुरबाट उनलाई नियन्त्रणमा लिएको महानगरीय प्रहरी परिसर भक्तपुरले जनाएको छ।
पक्राउपछि उनलाई जिल्ला अदालत भक्तपुरमा पेस गरिएको परिसरका सूचना अधिकारी राजु पाण्डेले जनाए।
रानालाई अदालतको आदेशले तोकिएको कैद भुक्तानका लागि कारागार कार्यालय जगन्नाथदेवल काठमाडौं चलान गरिएको उनले जनाए।
प्रतिक्रिया दिनुहोस !
१
