काठमाडौं: नवौँ राष्ट्रिय खेलकुद प्रतियोगिता अन्तर्गतको पौडी विधानमा स्वर्ण पदक जित्ने एस्ली सापकोटा डंगोल र आशिष सापकोटा डंगोललाई गैरआवासीय नेपाली संघ (एनआरएनए)ले सम्मान गरेको छ ।
गैरआवासीय नेपाली संघको तर्फबाट ९औं राष्ट्रिय खेलकुद प्रतियोगिता अन्तर्गत पौडी विधाका सहभागी एस्ली र आशिषले स्वर्ण पदक जितेका छन् । एस्लीले ६ स्वर्ण र आशिषले ३ स्वर्ण जितेका छन् ।
स्वर्ण बिजेता खेलाडीलाई प्रमाणपत्र तथा फूलगुच्छामार्फत संघका अध्यक्ष डा बद्री केसी, उपाध्यक्ष महेश श्रेष्ठ, युवा उपाध्यक्षद्वय रोशन थापा र राज रेग्मी तथा महिला सचिव राधिका गुरुङले सम्मान गरेका थिए । कार्यक्रममा खेलाडीका आमा र कोचलाई पनि सम्मान गरिएको छ ।
कार्यक्रममा संघका अध्यक्ष डा बद्री केसीले पदक विजेताका साथै प्रशिक्षक र आमालाई बधाई तथा शुभकामना व्यक्त व्यक्त गर्नुभयो । अब आउने प्रतियोगितामा विदेशमा रहेका दोस्रो पुस्ताका ट्यालेन्टेड युवालाई खोजेर प्रतियोगतामा सहभागीता गराई नेपालको खेलकुद प्रबद्धनमा सहयोग गर्ने बताए ।
प्रतिक्रिया दिनुहोस !
