जनकपुरधाम : चाडवाडको समयमा तस्करी गरी ल्याएको सरसमानसहित प्रहरीले एम्बुलेन्स पक्राउ गरेको छ।
जनकपुरधाम उपमहानगरपालिका-१७, कटरैतस्थित स्थानीय मानिसहरू बीच वादविवाद भइरहेको सूचनाका आधारमा खटिएको प्रहरी टोलीले तस्करी गरी ल्याएको सामन सहित एम्बुलेन्स नियन्त्रणमा लिएको हो।
भारतको जयनगरबाट जनकपुरधामतर्फ भन्सार छली चोरी पैठारी ल्याएको किराना जन्य सामानहरू तथा पाटाकाहरू लोड रहेको अवस्थामा एम्बुलेन्स नियन्त्रणमा लिइएको हो।
श्री माई भ्याली बचत तथा ऋण सहकारी संस्थाद्वारा सञ्चालित एम्बुलेन्स पक्राउ गरिएको जिल्ला प्रहरी कार्यालयका प्रहरी उपरीक्षक दिलिपबहादुर क्षेत्रीले जानकारी दिए।
पक्राउ परेको एम्बुलेन्ससहित किराना सामग्री तथा बिष्फोटक सामग्री पक्राउ गरी जिल्ला भन्सार कार्यालय जनकपुरधाममा पठाइएको जानकारी गराए।
प्रतिक्रिया दिनुहोस !
