भक्तपुर : भक्तपुरका पसलहरूबाट पटाका बरामद गरिएको छ।
पट्का पट्काउँदा हुने हानी नोक्सानी र मानिसहरूलाई अंगभंग हुने घटनालाई मध्यनजर गर्दै भक्तपुर नगरभित्रका पसलहरूमा पटाका बेचविखनको अवस्थाबारे बिहीबार अनुगमन गरिएको हो।
भक्तपुर नगरपालिका अनुगमन समितिका संयोजक राजकृष्ण गोराको संयोजकत्वमा अनुगमन गरिएको छ।
संस्कृति जोगाउँ, विकृति नफैलाऔं, पट्का नपड्काऔं, अंगभंग हुनबाट बचाऔं भने भनाइलाई सार्थक बनाउन गरिउको अनुगमनबाट तास, पट्का भेटिएको संयोजक गोराले बताए।
न्यु गुप्ता पनी भण्डार पसलबाट तास ३६ जोर जफत गरी नष्ट गरेको उनले बताए। त्यस्तै लक्ष्मी स्टोमा नागिन चक्र ३८ पीस जफत गरी नष्ट गरिएको छ।
कृष्ण प्रसाद श्रेष्ठको पूजा सामग्री पसलमा चक्र पटाका बरुद्ध ९ पिस, गोल्डेन कोब्रा बार २९ पाकेट, रकेट पट्का २ पाकेट, रोल क्याप बार ८ रोल जफत गरी नष्ट गरियो।
नारायण कृष्ण छुंजुको किराना पसलमा चक्रबार १० पिस, कोब्रा बारुद्ध ५ पाकेट, गमला बार १० पीस, भुईचम्पा पाँच पाकेट जफत गरी नष्ट गरिएको टोलीले जनाएको छ।
अनिता स्टोरबाट कोब्रा १०४ वटा जफत गरी नष्ट गरिएको वडा निरीक्षक रामकृष्ण प्रजापतिले बताए। जफत गरिएको पट्का करिब दश हजार रुपैयाँ बराबरको रहेको उनको भनाइ छ।
प्रतिक्रिया दिनुहोस !
