कपिलवस्तुमा सशस्त्र प्रहरीको ट्रक दुर्घटना : मृतकको संख्या ४ पुग्यो, ३ घाइते

कपिलवस्तु : कपिलवस्तुमा सशस्त्र प्रहरी सवार ट्रक दुर्घटनामा मृत्यु हुनेको संख्या ४ पुगेको छ।

सुरक्षा वेश क्याम्प विसनपुर चन्द्रौटाबाट तौलिहवातर्फ जाँदै गरेको सशस्त्र प्रहरी बल नेपाल २८ गण हेड क्वाटर कपिलवस्तुको ना १ ग ५४४ नम्बरको वानटन ट्रकले साईकल यात्रीलाई ठक्कर दिंदा दुर्घटना भएको थियो। सो दुर्घटनामा साइकल यात्री एक जना र ३ शशस्त्र प्रहरीसहित ४ जनाको ज्यान गएको हो। 

दुर्घटनामा गम्भीर घाइते भएका २ सशस्त्र प्रहरीको शुक्रबार मध्यराति मृत्यु भएको जिल्ल प्रहरी कायालयका प्रहरी नायब उपरीक्षक मिन हादुर घलेले बताए । दुर्घटनामा परी गम्भीर घाइते भएका सशस्त्र प्रहरी जवान जनक चौधरी र हवल्दार रमेश चौधरीको भैरहवा मेडिकल कलेजमा उपचारको क्रममा मृत्यु भएको हो। 

योसँगै मृतकको संख्या ४ पुगेको छ भने अन्य ३ जना घाइतेको उपचार भैरहेको छ । 

यसअघि शुक्रबार साँझ नै चालक तथा सशस्त्र प्रहरी जवान रमेश चौधरी र स्थानीयबासी अमर तङनामीको मृत्यु भएको थियो ।

शुक्रबार साँझ जिल्लाको बाणगंगा नगरपालिका वडा नं. ३ सिउटीमा सशस्त्र प्रहरी सवार ना १ ग ५५४ नं. को ट्रक अनियन्त्रित भइ दुर्घटना भएको थियो । घटनाबारे थप अनुसन्धान भइरहेको जिल्ला प्रहरी कार्यालय कपिलवस्तुले जनाएको छ । स्थानीयबासीले भने लापरबाहीको कारण दुर्घटना भएको आरोप लगाएका छन् ।