भक्तपुर : भक्तपुरको च्याम्हासिंहमा शनिबार टोटल केयर डेण्टल क्लिनिकको उद्घाटन गरिएको छ। भक्तपुर घरेलु तथा साना उद्योग महासंघका अध्यक्ष प्रेमकृष्ण खर्वुजाले क्लिनिकको उद्घाटन गरिएको हो।
सञ्चालक रमेश खाइजूले भक्तपुरमै निजी क्लिनिकभन्दा सस्तो दरमा दाँतसम्बन्धी सम्पूर्ण सेवा प्रदान गर्ने उद्देश्यले सेवा प्रारम्भ गरेको जानकारी गराए।
उनले भविष्यमा भक्तपुर र काठमाडौंमा शाखाहरू विस्तार गर्दै डेण्टल अस्पतालसम्म सञ्चालनको योजनासाथ सेवा शुभारम्भ गरेको जनाए।
क्लिनिककी अध्यक्ष शान्ति दुवालले निकट भविष्यमै भक्तपुरमै पहिलो पटक ओपीजी (३२ वटै दाँत देखिने गरी गरिने एक्सरे) सेवा सञ्चालन गर्ने योजना रहेको बताइन्।
क्लिनिकमा बिहान ९ बजेदेखि राति ९ बजेसम्म सेवा हुने जनाइएको छ। आकस्मिक सेवा भने २४ सै घण्टा रहने कार्यक्रममा जनाइयो।
प्रतिक्रिया दिनुहोस !
