एजेन्सी : बेलायतको प्रधानमन्त्रीमा ऋषि सुनक आउने निश्चित भएको छ ।
बोरिस जोनसनले प्रधानमन्त्रीको दौडबाट अलग रहने बताएपछि पूर्वचान्सलर ऋषि सुनक बेलायतको भावी प्रधानमन्त्री हुने निश्चित देखिएको हो । यसअघि सुनक प्रधानमन्त्रीको प्रतिस्पर्धामा उत्रिए पनि लीज ट्रससँग पराजित भएका थिए । प्रधानमन्त्री लीज ट्रसले प्रधानमन्त्रीमा नियुक्त भएको ४५ दिनमै राजीनामा दिएकी थिइन् ।
अब सुनक र पूर्वमन्त्री पेन्नी मोर्डन्टबीच प्रतिस्पर्धा हुनेछ । प्रधानमन्त्रीको दाबीका लागि एक सय सांसदको समर्थन आवश्यक पर्नेमा जोनसनको पक्षमा ५७ जना मात्रै खुलेकाले जोनसनले दाबी छाडेको अन्तर्राष्ट्रिय सञ्चारमाध्यमहरुले जनाएका छन् ।
कन्जरभेटिभ पार्टीको एक हजार ९ सय २२ समितिले नयाँ नेता चयन गर्ने गर्छ । प्रधानमन्त्री पदमा उम्मेदवारी मनोनयन गर्न कम्तीमा एक सय सांसदको समर्थन चाहिन्छ । सुनकका पक्षमा हालसम्म एक सय ३६ सांसदले सार्वजनिक समर्थन गरिसकेका छन् ।
मोर्डन्टको पक्षमा अहिलेसम्म २३ सांसदले समर्थन देखाएका छन् । तीन सय ५७ सांसद रहेको कन्जरभेटिभ पार्टीभित्र अझै धेरै सांसदहरु मौन रहेका छन् । बेलायतले आगामी अक्टोबर २८ मा नयाँ प्रधानमन्त्री पाउनेछ ।
प्रतिक्रिया दिनुहोस !
