जनकपुरधाम : छठ मनाउन प्रधानमन्त्री शेरबहादुर देउवा पत्नी एवं नेपाली कांग्रेसकी केन्द्रीय सदस्य आरजु राणा देउवा जनकपुरधाम आइपुगेकी छन् ।
अहिंसाप्रति मानवको रुचि बढाउने र सबै जीवहरुप्रति सहानुभूति राख्न अभिप्रेरित गर्ने छठ मनाउन आरजु आज जनकपुरधाम आइपुगेकी हुन् ।
राणाले जनकपुरधामको प्रसिद्ध गंगासागर घाटमा अपरान्ह ४ बजे छठी मातालाई अर्घ दिने कार्यक्रम रहेको मिडिया संयोजक आशा थपलियाले जानकारी दिइन् । उनका अनुसार छठ घाटमा अर्घपछि कांग्रेसका पूर्वउपसभापति तथा नेता विमलेन्द्र निधिको गृहनगर नगराईनस्थित छठ घाटमा समेत पूजाआजा गर्ने कार्यक्रम छ ।
छठअन्तर्गतका अस्ताउँदो सझुका अर्घ र बिहानको उदाउँदो सूर्यलाई अर्घ दिएर प्रसाद ग्रहणपछि फर्किने कार्यक्रम तय गरिएको नेपाली कांग्रेसकी नेत्री ममताकुमारी महतोले जानकारी दिइन् । आरजुसँगै निवर्तमान सांसद चन्दा चौधरी, सन्दिप राणासहितका व्यक्तिहरु छठ मनाउन जनकपुरधाम आएका छन्।
प्रतिक्रिया दिनुहोस !
