ब्राजिल चुनाव: बोल्सोनारोले गरे हार अस्वीकार
ब्राजिल : ब्राजिलका वर्तमान राष्ट्रपति जैर बोल्सोनारोले हालै सम्पन्न राष्ट्रपतीय निर्वाचनको नतिजा अस्वीकार गरेका छन् । यस निर्वाचनमा ब्राजिलका पूर्व राष्ट्रपति लुला डा सिल्भा विजयी भएका छन् । निर्वाचनको नतिजा नआउन्जेलसम्म यी दुई नेतामध्ये को राष्ट्रपति पदमा उक्लने भन्ने स्पष्ट थिएन।
अन्त्यमा लुला दा सिल्भाले ५०.९ प्रतिशत र बोल्सोनारोले ४९.१ प्रतिशत मत प्राप्त गरे । तर बोल्सोनारोले आफ्नो हार अस्वीकार गरेका छन्। उनले चुनावी नतिजामा पनि आशंका गरेका छन्।
बोल्सोनारोको दुई मिनेटको छोटो भाषणपछि उनका प्रमुख कर्मचारीले सत्ता हस्तान्तरणको प्रक्रिया सुरु हुने बताएका छन् ।
बोल्सोनारोको भाषणपछि ब्राजिलको सर्वोच्च अदालतले पनि एक विज्ञप्ति जारी गर्दै सत्ता हस्तान्तरणलाई स्वीकृति दिएर उनले निर्वाचनको नतिजा स्वीकार गरेको बताएको छ ।
लुला दा सिल्भाको जितपछि ब्राजिलको अवस्था निकै संवेदनशील छ । बोल्सोनारोका समर्थकहरूले ब्राजिलका दुई दर्जनभन्दा बढी राज्यमा सडक अवरुद्ध गरेका छन्। र धेरै ठाउँबाट आगजनीका रिपोर्टहरू आइरहेका छन्।
बोल्सोनारोले यसअघि एक पटक भगवानले मात्र उनलाई सत्ताबाट हटाउन सक्ने बताएका थिए। उनले बिनाप्रमाण मतदान प्रक्रियामा समेत प्रश्न उठाएका छन् । बीबीसी