दोषीलाई कारवाही माग्दै गुलरिया–राजापुर सडकखण्ड अवरुद्ध

दोषीलाई कारवाही माग्दै गुलरिया–राजापुर सडकखण्ड अवरुद्ध

गुलरिया : बर्दियाको गुलरिया नगरपालिका-४ स्थित बबई बहुमुखी क्याम्पस नजिकै गुलरिया–राजापुर सडकखण्डमा विंगरले ठक्कर दिइ एक महिलाको मृत्यु भएपछि स्थानीय एवम् आफन्तहरुले सडक बन्द गरेका छन्। सुर्खेत जिल्ला विरेन्द्रनगर नगरपालिका-२ घर भइ गुनपा ४ क्याम्पस रोडमा डेरा गरी बस्ने ४९ वर्षीया सूर्यकला राजीको भे १ ज १११२ नम्बरको विंगरले ठक्कर दिँदा मंगलबार बेलुकी निधन भएको थियो ।

    
बन्दका कारण राजापुरबाट गुलरिया आउने र गुलरियाबाट राजापुर जाने सवारी साधन अवरुद्ध छन् । सडक खुलाउनका लागि घटना घटाउने सनराइज यातायात प्रालि नेपालगञ्जको समिति, पीडित र पीडक पक्षलाई बोलाएर छलफलको तयारी भैरहेको जिल्ला प्रहरी कार्यालय बर्दियाका प्रहरी नायव उपरीक्षक हिक्मतबहादुर बोहोराले बताए। गाडीका चालक घनश्याम केसीलाई नियन्त्रणमा लिएका छौं । घटनाको अनुसन्धान भैरहेको छ । मृतकको शव हस्पिटलमै रहेको डीएसपी बोहोराले जानकारी दिए ।

घटनापश्चात् समिति एवम् पीडक पक्षले बेवास्ता गरेपछि सडक अवरुद्ध गरेको स्थानीयले बताएका छन् । दोषीलाई कारवाही र पीडितलाई क्षतीपूर्ति दिनुपर्ने स्थानीय एवम् आफन्तको माग छ । पीडितहरुले घटनास्थल क्षेत्रको सडकमा टायर बाल्दै ढुंगा मुढाले छेकेर सडक जाम गरेका हुन् । घटनाग्रस्त क्षेत्रमा बिहानैदेखि सुरक्षाकर्मी तैनाथ छन् । शिघ्र पीडित र पीडकबिच सहमती गरी सडक खुलाउने प्रयास भैरहेको प्रहरीले जनाएको छ ।


प्रतिक्रिया दिनुहोस !

Unity

working together is no longer optional-it is a matter of compulsion

Annapurna Media Network has announced the Unity for Sustainability campaign which comes into force from January 1, 2022. The main aim of this campaign is to 'lead the climate change dialogue' working closely with all the stakeholders on sustainable development mode, particulary focusing on climate-change issues.