काभ्रे : नेकपा (एकीकृत समाजवादी) पार्टीका बागमती प्रदेश कमिटी सदस्य रमेश पौडेल एमाले प्रवेश गरेका छन्।
बिहीबार बनेपामा आयोजित कार्यक्रममा पौडेलसहित पार्टीका मिरा पौडेल, राजेन्द्र पौडेल, अभिचल पौडेल, गंगा श्रेष्ठ र रामदाश श्रेष्ठ एमाले प्रवेश गरेका हुन्। उनीहरूलाई एमालेका प्रतिनिधि सभा २ का उम्मेदवार पूर्व सञ्चार मन्त्री गोकुल बास्कोटाले पार्टी प्रवेश गराए।
पौडेल पहिले एमालेमा नै थिए। नेकपा फुटपछि उनी समाजवादीमा गएका थिए।
'राष्ट्रियताको सम्वर्द्धन र कम्युनिष्ट आन्दोलनको रक्षा र विकासका लागि सवल एमाले पार्टीको अपरिहार्यता रहेको महसुस गर्दै पार्टीको विगतका नीति, कार्यक्रम, कार्यदिशा र कार्यशैलीको समीक्षा गर्दै सही नीति, कार्यक्रम र कार्यदिशाको निरन्तरता र भएका गल्ती कमजोरीहरू सुधार गर्दै जाने अपेक्षासहित विनाशर्त पुनः एमालेमा प्रवेश गरिएको' विज्ञप्तिमा उल्लेख छ।
प्रतिक्रिया दिनुहोस !
