काठमाडौं : महोत्तरीको बर्दिबास नगरपालिका ३ गौरीडाँडामा गएराति भएको अटो रिक्सा दुर्घटनामा गम्भीर घाइते भएका पुरुषको उपचारका क्रममा आज मृत्यु भएको छ।
पाटुबाट बिरामी लिएर बर्दिबासतर्फ जाँदै गरेको प्रदेश २-०२-००१ ह ०९१८ नम्बरको अटो रिक्सा गएराति १० बजे अनियन्त्रित भएर पल्टिएको थियो।
रिक्सामा सवार रहेका विरामी बर्दिबास नगरपालिका-३ राजाबासका ५० वर्षीय बल बहादुर भण्डारी र उनकी ४५ वर्षीया श्रीमती निर्मला घाइते भएका थिए।
उपचारको क्रममा बल बहादुरको काठमाडौँको महांकालस्थित राष्ट्रिय ट्रमा सेन्टरमा आज बिहान ५ बजे मृत्यु भएको हो।
निर्मलाको सोही अस्पतालमा उपचार भइरहेको छ। अटो रिक्सासहित चालकलाई महोत्तरी प्रहरीले नियन्त्रणमा लिइसकेको छ।
प्रतिक्रिया दिनुहोस !
