पाकिस्तानका टिभी च्यानलमा इमरान खानको भाषण प्रसारण गर्न रोक
स्लामावाद : पाकिस्तान इलेक्ट्रोनिक मिडिया रेगुलेटरी अथोरिटी (पेमरा)ले इमरान खानको भाषण पाकिस्तानका सबै टिभी च्यानलमा प्रसारण गर्न प्रतिबन्ध लगाएको छ। पेमराले टिभी च्यानलहरूले पूर्व प्रधानमन्त्री इमरान खानको कुनै पनि भाषण र प्रेस सम्मेलन प्रसारण नगर्ने बताएको छ।
पेमराको अनुसार धेरै स्याटेलाइट टिभी च्यानलहरूले प्रभावकारी सम्पादकीय नियन्त्रण, ढिलाइ संयन्त्रको प्रभावकारी प्रयोग र कानूनी र न्यायिक आदेशहरूको पालना सुनिश्चित गर्न असफल भएका छन्, त्यसैले सबै टिभि च्यानलहरूमा इमरान खानको भाषणहरू प्रतिबन्ध लगाइएको हो।
पेमराले नियम उल्लङ्घन गर्ने टिभी च्यानलहरूको लाइसेन्स कारण देखाउ सूचना बिना नै निलम्बन गरिने जनाएको छ। पेमराले आफ्नो अधिसूचनामा इमरान खानका ती भनाइहरू पनि उल्लेख गरेको छ जसलाई आपत्तिजनक र कानूनको विरुद्ध मानेको छ।
शाहबाज सरिफद्वारा छानबिनको आदेश
पाकिस्तानका प्रधानमन्त्री शाहबाज सरिफले पाकिस्तानका प्रधानन्यायाधीश ओमर अता बन्दियाललाई गत बिहीबार लङ मार्चमा इमरान खानमाथि भएको आक्रमणको छानबिन गर्न पूर्ण अदालत आयोग गठन गर्न आग्रह गरेका छन्।
यसअघि हमलापछि इमरान खानले जारी गरेको विज्ञप्तिमा तीन जनालाई आक्रमणको जिम्मेवार ठहर्याएका थिए। पाकिस्तान तहरीक-ए-इन्साफका नेता असद उमरले पाकिस्तानका प्रधानमन्त्री शाहबाज शरीफ, गृहमन्त्री राणा सनाउल्लाह र मेजर जनरल फैसल वजिराबादमा लङ मार्चको क्रममा गोलीबारीका लागि जिम्मेवार रहेको बताएका हुन्।
प्रधानमन्त्री शहबाज शरीफले पीटीआईले लगाएको आरोपको जवाफ दिँदै आफूविरुद्ध थोरै प्रमाण पनि फेला परेमा आफूले सदाका लागि राजनीति छोड्ने बताएका छन् । पार्टीका सिन्ध प्रवक्ता सद्दाम कुम्भरका अनुसार पीटीआईले कडा सुरक्षाको बीचमा कराँचीको मुख्य एमए जिन्ना रोडमा फेरि विरोध सुरु गरेको छ। बीबीसी