प्यूठान: नेकपा एमाले लुम्विनी प्रदेश कमिटी सदस्य एवं प्यूठान प्रदेशसभा समन्वय कमिटी २ का इन्चार्ज बुद्धबहादुर जिसीको निधन भएको छ ।
क्यान्सर रोगबाट थलिएका जिसीको शनिबार दिउँसो उपचारको क्रममा काठमाडौंमा निधन भएको परिवारले जनाएका छन् ।
उनको काठमाण्डौँस्थित मनमोहन सेन्टर महाराजगन्जमा उपचार भइरहेको थियो । मल्लरानी गाउँपालिका २ सिउँते स्थायी घर भएका जिसी लामो समयदेखि सदरमुकाम खलंगामा बस्दै आएका थिए ।
जिल्लामा शालिन र इमान्दार नेताको रुपमा उनको छबी थियो । २०४८ सालमा प्यूठान निर्वाचन क्षेत्र नम्वर १ बाट साझा बाम उम्मेदवार रहेका जिसी नेपालको कम्यूनिस्ट आन्दोलनमा सक्रिय योद्धाको रुपमा चिनिन्छन् ।
प्रतिक्रिया दिनुहोस !
