बेनी : मंसिर ४ गते हुन लागेको प्रतिनिधिसभा र प्रदेशसभा सदस्य निर्वाचन विरोधी गतिविधि गरेको आरोपमा म्याग्दीमा नेत्रविक्रम चन्द (विप्लव सि) का चारजना कार्यकर्तालाई प्रहरीले बुधबार पक्राउ गरेको छ ।
बेनीको जिपपार्कमा भित्तेलेखन गर्दै गरेको अवस्थामा उनीहरुलाई पक्राउ गरिएको जिल्ला प्रहरी कार्यालयले जनाएको छ ।
पक्राउ पर्नेमा नेकपा सिका उषा मगर, नविन सि, रोहित सि र विशाल सन्यासी रहेका प्रहरी निरीक्षक राजन ढकालले जानकारी दिए ।
उषा नेकपा सिका जिल्ला सेक्रेटरी, नविन सि युवा संगठनका जिल्ला अध्यक्ष हुन् ।
मंसिर ४ गते हुन लागेको प्रतिनिधि र प्रदेशसभा सदस्य निर्वाचन बहिष्कारका लागि अपिल गर्दै भित्तेलेखन गरिरहेको अवस्थामा नियन्त्रणमा लिएको प्रहरी निरीक्षक ढकालले बताए । चारजनालाई नै जिल्ला प्रहरी कार्यालयमा राखिएको छ ।
प्रतिक्रिया दिनुहोस !
