रौतहट : रौतहटको दुर्गा भगवती गाउँपालिका-४, पचरुखीमा बिहीबार राति आगलागी हुँदा एक घर जलेर नष्ट भएको छ।
स्थानीय लक्ष्मण महतोको घरमा लामखुट्टे धपाउन बालेको आगो सल्किएर आगलागी भएको हो।
आगलागीबाट करिब १० लाख रुपैयाँ बराबरको क्षति भएको प्रारम्भिक अनुमान गरिएको छ।
आगोमा परेर एउटा भैंसी र १० खसीबाख्रा मरेका छन्।
महतोका अनुसार घरमा रहेको चामल, दाल, धान, गहुँ लगायतका खाद्यान्न तथा कपडा, गरगहनासमेत जलेर नष्ट भएको छ।
घरमा भएका सबै सामान जलेर नष्ट भएपछि पीडित परिवारले तत्काल राहत सामग्री सहयोग गरिदिन विभिन्न व्यक्ति तथा संस्थासँग अनुरोध गरेका छन्।
प्रतिक्रिया दिनुहोस !
