एमाले सुदूरश्चिमको घोषणापत्र : ५० युनिट बिजुली र १० हजार लिटर पानी निशुल्क

धनगढी : नेकपा एमालेको २० ग्यारेन्टी सहितको घोषणापत्र जारी भएको केही दिनमा नेकपा एमाले सुदूरपश्चिम प्रदेश कमिटिले आफ्नो छुट्टै घोषणपत्र सार्वजनिक गरेको छ । ‘सुन्दर सुदूरपश्चिम, समृद्ध सुदूरपश्चिम’ पाँच वर्ष एमालेको संकल्प नाम दिएको घोषणापत्रमा हरेक घरमा ५० युनिसम्म बिजुली र हरेक घरमा १० हजार लिटर पानी निशुल्क दिने घोषणा गरिएको छ ।

नेकपा एमालेका केन्द्रीय सचिव तथा सुदूरपश्चिम इञ्चार्ज लेखराज भट्टले घोषणा पत्र सार्वजनिक गर्दै प्रदेशमा एमालेको सरकार बने, हरेक घरमा बर्खामा ५० युनिट, हिउँदमा ३० युनिट र हरेक घरमा १० हजार लिटर खानेपानी निशुल्क गरिने बताए । छिमेकी शहर भारतको नयाँ दिल्ली राज्यका मुख्यमन्त्री अरविन्द केजरीवालले मुख्यमन्त्री भएकै वर्ष आफ्नो प्रदेशका नागरिकको विजुली र पानी फ्रि गरेपछि उनी लोकप्रिय भएका थिए ।

नेकपा एमाले सुदूरपश्चिमले पनि २७ बुँदे घोषणा पत्र जारी गर्दै आकर्षक नारा सार्वजनिक गरेकोछ । पानी र विजुली निशुल्क मात्रै होईन, उसले अस्पतालहरु, सरकारकारी कार्यालय, वित्तिय संस्था, सपिङ कम्पलेक्स, पर्यटकीय स्थलहरु र सार्वजनिक सेवा प्रदायक निकायमा निशुल्क ईन्टरनेट सुविधा दिने पनि घोषणा गरेको छ ।

दैनिक ५ सय ज्याला पाईरहेका मजदुरको तलब २५ हजार बनाउने पनि घोषणापत्रमा उल्लेख छ । विद्युतको पहुँच नभएक सबै स्थानमा २ वर्षभीत्र विद्युत पुगाएर सतप्रतिसतलाई उज्यालो दिने पनि घोषणापत्रमा उल्लेख छ ।

नेकपा एमाले सुदूरपश्चिमले स्वास्थ्यलाई अझ बढी प्रार्थमिकता दिएको छ । उसले प्रदेशमा एमालेको सरकार बनेमा, हरेक स्थानीय तहमा आधुनिक प्रयोगशाला सहितको एक अस्पताल निर्माण गर्ने प्रतिवद्धता ब्यक्त गरेको छ । प्रदेशका सरकारी र नीति सबै अस्पतालबाट सेवा पाउने गरी सबै नागरिकको स्वास्थ्य विम गरिने पनि घोषणापत्रमा उल्लेख छ ।

कृषिको आधुनीकिकरण गरी उत्पादन बढाउने, तरकारी फुलफुल र फूलको आयोत प्रतिस्थापनका लागि त्यस ब्यवसायमा लागेकाहरुलाई विषेश अनुदान दिने, प्रदेशमा कृषि अनुसन्धान केन्द्रको स्थापना गरि बालीको अनुन्धान, विउ उत्पादन र कृषि क्षेत्रको विविधिकरण गर्ने कुरा घोषणापत्रमा उल्लेख छन् ।

एमालेले स्थानीय सरकारहरुको सहकार्यमा आगामी ३ वर्षभीत्र प्रदेशलाई पूर्ण साक्षर बनाउने बाचा पनि गरेको छ । आधारभुत निशुल्क र अनीवार्य माध्यमिक शिक्षा र उच्च शिक्षालाई सर्भसुलभ बनाईने घोषणापत्रमा उल्लेख छ । 

एमालेले ‘प्रदेशको सुशासनको आधार, नीतिगत संररचनागत सुधार’ नारा सहित भागबण्डाको आधारमा नभएर प्रार्थमिकताका आधारमा योजना बनाउने नीति लिने जनाएको छ । उसले प्रदेशमा आगामी ५ वर्षमा ५० हजार जनालाई रोजगारी दिने घोषणा गरेको छ । 

नेकपा एमालेका प्रदेश ईञ्चार्ज लेखराज भट्टले, संघमा पार्टीको देश बनाउने घोषणा पत्र भएपनि, प्रदेशका जनताका लागि एमालेले अझ थप काम गर्ने बताए । ‘प्रदेशमा एमालेको सरकार बन्यो भने हामीले यी सबै काम गछौं, हामीले केन्द्रको घोषणपत्रमा उल्लेख गरिएका कुरा ग्यारेन्टी भनेका छौं, भने प्रदेशको यो पनि ग्यारेन्टी हो’ उनले भने ।

नेकपा एमालेको प्रदेश पार्टी कार्यालय धनगढीमा आयोजना गरिएको कार्यक्रममा प्रदेश सचिव धर्मराज पाठकले घोषणापत्र पढेर सुनाएका थिए ।