दुलेगौंडा : तनहुँको क्षेत्र नम्बर २ मा मत गणना सुरु भएको छ। बिहान बसेको सर्वदलीय बैठकले साढे १२ बजेबाट मतगणना गर्ने निर्णय भएपनि केही ढिला गरी गणना सुरु भएको निर्वाचन अधिकृतको कार्यालय दुलेगौंडाले जनाएको छ।
क्षेत्र नम्बर १ मा पनि गणनाको तयारी हुँदै छ। क्षेत्र नं २ को शुक्लागण्डकी नगरपालिकाको कार्य कक्ष हलमा तारजाली र सीसीटीभी जडान गरेर मतगणनास्थललाई सुरक्षित र व्यस्थित गरिएको छ।
उम्मेदवारका प्रतिनिधिहरूलाई मतदानस्थलको प्रत्यक्ष अवलोकन गर्ने व्यवस्था मिलाइएको छ। अहिले क्षेत्र नं २ को प्रतिनिधिसभा र प्रदेशसभा (क) तर्फको गणना भइरहेको तनहुँ-२ का निर्वाचन अधिकृत गोविन्द उपाध्यायले जानकारी दिए।
जिल्लामा १४२ मतदानस्थल र ३०५ मतदान केन्द्रमाफर्त मतदाताले मतदान गरेका थिए। दुई प्रतिनिधिसभा र ४ प्रदेशसभा रहेको तनहुँमा २ लाख ४८ हजार ४९५ मतदाता छन्।
प्रतिक्रिया दिनुहोस !
