ताप्लेजुङ: ताप्लेजुङमा प्रतिनिधि सभातर्फ नेकपा एमालेका उम्मेदवार योगेशकुमार भट्टराईलाई पछि पार्दै गठबन्धनका उम्मेदवार नेकपा माओवादी केन्द्रका खेलप्रसाद बुडाथोकी (पराग) ले अग्रता लिएका छन् ।
फक्ताङलुङ, पाथीभरा याङवरक, सिरीजंघा र मिक्वाखोला गाउँपालिकाका विभिन्न वडाको ४ हजार १ सय २२ मत गणना हुँदा ५ सय ५६ मतसहित परागले अग्रता लिएका हुन ।
जारी मतगणनामा परागले २ हजार १६१ मत प्राप्त गरेका छन् भने भट्टराईले १ हजार ६०५ मत मात्र प्राप्त गरे ।
मुख्य निर्वाचन अधिकृतको कार्यालयमा अहिले संघ तर्फको मात्र मतगणना भईरहेको छ ।
राजनीतिक दलबीचको सहमति अनुसार पहिले संघ तर्फको गणना सम्पन्न गरेर प्रदेश सभा तर्फको सुरु गरिने छ । अपरान्ह ४ बजे पछिदेखि मतगणना जारी छ ।
प्रतिक्रिया दिनुहोस !
