सिन्धुली : सिन्धुलीको निर्वाचन क्षेत्र नं २ को प्रदेशसभा (२) मा नेकपा माओवादी केन्द्रका गंगानारायण श्रेष्ठको विजयी भएका छन्। श्रेष्ठले १३ हजार १ मत पाउँदा एमालेका रामकुमार पौडेलले ९ हजार ७८९ मत प्राप्त गरेका छन्।
श्रेष्ठका प्रतिस्पर्धी पौडेल दुई महिनाअघि मात्र माओवादी केन्द्रबाट एमालेमा प्रवेश गरेका थिए। पौडेल माओवादीमा हुँदा उनी भूमि आयोगको जिल्लाध्यक्ष समेत थिए।
बाबुराम भट्टराईको समाजवादी पार्टीका उपाध्यक्ष समेत रहेका श्रेष्ठ माओवादीको चिह्नबाट प्रदेशसभा सदस्यमा निर्वाचनमा भाग लिएका थिए। २०७० सालको दोस्रो संविधानसभा निर्वाचनमा सिन्धुलीको निर्वाचन क्षेत्र नं २ मा माओवादीबाट चुनाव लडेका श्रेष्ठले कांग्रेसका मोहन बरालसँग १ हजार ३ सय मतले पराजित भोग्नु परेको थियो। विजयी श्रेष्ठ २०६३ मा श्रेष्ठ माओवादीको तर्फबाट अन्तरीम सांसद समेत थिए।
प्रतिक्रिया दिनुहोस !
