पर्सा ४ मा कांग्रेस केन्द्रीय सदस्य रिजाल भारी मतान्तरले विजयी
मंसिर ७, २०७९ बुधबार ८:२१:०
वीरगन्ज : पर्सा क्षेत्र नम्बर ४ को प्रतिनिधिसभा सदस्यमा नेपाली कांग्रेसका रमेश रिजाल विजयी भएका छन् । बुधबार बिहान सकिएको मतगणनाको अन्तिम परिणाम अनुसार, पाँच दलीय गठबन्धनका समेत साझा उम्मेदवार रहेका रिजाल प्रतिनिधीसभा सदस्यामा निर्वाचित भएका हुन् ।
निकटतम प्रतिस्पर्धी नेकपा एमालेका उम्मेदवार जालिम मियाँलाई ५ हजारभन्दा बढीको फराकिलो मतान्तरले पराजित गर्दै रिजाल निर्वाचित भएका हुन् ।
रिजाल ३१ हजार १ सय ४२ मतका मतका साथ विजयी हुँदा उनका निकटतम प्रतिस्पर्धी मियाँले भने २५ हजार ६ सय १२ मत मात्रै पाएका छन् । रिजाल र मियाँ बिचको मतान्तर ५ हजार ५ सय ३० रहेको छ ।
२०४८ यताको हरेक निर्वाचनमा चुनाव लड्दै आएका कांग्रेस केन्द्रीय सदस्य रिजाल तेश्रो पटक सांसद बनेका हुन् ।
प्रतिक्रिया दिनुहोस !
