उदयपुर-२ को प्रदेशसभा १ मा माओवादीका नारायणबहादुर विजयी
![उदयपुर-२ को प्रदेशसभा १ मा माओवादीका नारायणबहादुर विजयी](https://annapurnapost.prixacdn.net/media/albums/narayan-burja-1_20221123121119_Fw2uA6z47M.jpg)
उदयपुर : उदयपुरको क्षेत्र नम्बर २ अन्तरगतको प्रदेशसभा १ को प्रदेससभा सदस्यमा लोकतान्त्रिक–वामगठबन्धनका उमेदवार नारायणबहादुर वुर्जामगर पुनः दोश्रो कार्यकालका लागि निर्वाचित भएका छन् ।
बुधबार सम्पन्न मतपरिणाम अनुसार नेकपा माओवादी केन्द्रका प्रदेश कमिटी सदस्य मगरले एमालेका उमेदवार देवराज राईलाई ३५ मतको झिनो अन्तरले जित निकालेका हुन् । प्राप्त मतपरिणाम अनुसार वुर्जामगरले ८ हजार १०५ मत प्राप्त गरे ।
त्यसैगरी उनका प्रतिसपर्धि राईले ८ हजार ७० मत प्राप्त गरे । मगर यसअघि नेकपा एमाले र नेकपा माओवादी केन्द्रको समर्थनमा स्वतन्त्रबाट विजयी भएका थिए । माओवादीको भागवण्डामा परेको यो क्षेत्रमा अघिल्लो पटक आधिकारिक उमेदवार भेषकुमारी राउतले उमेदवारी फिर्ता लिएपछि मगरलाई दुबै पार्टीले साथ दिएका थिए ।
माओवादीले राउतलाई टिकट दिएपछि मगर स्वतन्त्रबाट उमेदवारी दिएका थिए । उमेदवारी फिर्ता लिने समयमा माओवादीले आधिकारिक उमेदवारलाई फिर्ता गराएपछि वुजालाई गठबन्धनको साथ थियो ।
प्रतिक्रिया दिनुहोस !
![Unity](https://annapurnapost.prixacdn.net/static/assets/images/unity-logo.png)