रोल्पा- १ (ख) प्रदेशसभामा गठबन्धनका जोखबहादुर महरा विजयी
मंसिर ७, २०७९ बुधबार १२:३९:०
रोल्पा : रोल्पा क्षेत्र नं. १ (क) प्रदेशसभातर्फ जोखबहादुर महरा विजयी भएका छन् । लोकतान्त्रिक वाम गठबन्धनबाट उम्मेदवार महराले १९ हजार ४ सय २५ मत प्राप्त गरी विजय भएका हुन् ।
लामो समय नेकपा माओवादी केन्द्रका अध्यक्ष पुष्पकमल दाहाल 'प्रचण्ड' को स्वकीय सचिव रहेका महरा पहिलो पटक चुनावी मैदानमा आएका थिए । महराको निकटतम प्रतिद्वन्द्वी नेकपा एमालेका उम्मेदवार कमल बुढाथोकीले ५ हजार ४ सय ५ पाए । बुढाथोकीलाई १४ हजार २० मतान्तरले पछि पार्दै महरा विजयी भएका छन् ।
यस्तै, राप्रपाका पदमबहादुर थापाले २ हजार ६० र राप्रपा नेपालका गन्जबहादुर शाहीले ६ सय १२ प्राप्त गरेका छन् । निर्वाचन क्षेत्र १ (ख) मा २९ हजार ८ ८७ मत खसेको थियो ।
'ख' तर्फको मत गणना सकिएपनि मुख्य निर्वाचन अधिकृतको कार्यालयले महरा विजय भएको औपचारिक घोषणा गरेको छैन । घोषणाको औपचारिक तयारी भइरहेको मुख्य निर्वाचन कार्यालयले जनाएको छ ।
रोल्पा निर्वाचन क्षेत्र १ (ख) बाट विजय भएका वाम लोकतान्त्रिक गठबन्धनका उम्मेदवार नेकपा माओवादीका नेता जोखबहादुर महरा ।
प्रतिक्रिया दिनुहोस !
