रामचन्द्र पौडेललाई १५ सय बढीको अग्रता कायमै, पछ्याउँदै एकबहादुर राना
मंसिर ७, २०७९ बुधबार १२:५३:०
तनहुँ : तनहुँ क्षेत्र नं-१ मा नेपाली कांग्रेसका रामचन्द्र पौडेलले अग्रता कायमै राखेका छन् । २६ हजार ७८६ मत गणना हुँदा पौडेलले निकटतम प्रतिद्वन्द्वी एमालेका एकबहादुर रानासँग १५७७ को मतान्तर पुर्याएका छन् ।
हालसम्म पौडेलले १० हजार १४० मत प्राप्त गरेका छन् भने रानाले ८ हजार ५६३ मत पाएका छन् । राष्ट्रिय स्वतन्त्र पार्टीका विकास सिग्देलले २ हजार ६४१ र स्वतन्त्र उम्मेदवार गोविन्दराज जोशीले १ हजार ९८७ मत पाएका छन् ।
त्यस्तै, प्रदेश १ तर्फ १५ हजार ९६६ गणना हुँदा गठबन्धनका अशोककुमार श्रेष्ठले ६ हजार ७०९ ल्याउँदै सुरुदेखि नै अग्रता लिएका छन् । कांग्रेसका रामबहादुर गुरुङले ४ हजार ८५९ मत प्राप्त गर्दै श्रेष्ठलाई पछ्याइरहेका छन् ।
प्रदेश २ मा पनि गठबन्धनका हरिबहादुर चुमानले अग्रता लिएका छन् । २१ हजार १२० मत गणना हुँदा माओवादी केन्द्रका चुमानले ९ हजार १४७ मत पाएका छन् भने कांग्रेसका पूर्णबहादुर गुरुङले ७ हजार २६४ मत पाएका छन् ।
प्रतिक्रिया दिनुहोस !
