मलंगवा : सर्लाहीको क्षेत्र नं. १ को प्रदेश सभा 'ख' बाट नेकपा एकीकृत समाजवादीकी बेची लुङ्गेली निर्वाचित भएकी छिन्।
सत्ता गठबन्धनको साझा उम्मेदवार रहेकी लुङ्गेली १३ हजार ६ सय ७७ मतका साथ निर्वाचित भएकी हुन्। उनकी निकटतम प्रतिद्वन्द्वी नेकपा एमालकी शान्तिकुमारी लामाले ६ हजार ९ सय ७५ मत प्राप्त गरेकी छिन्।
लुङ्गेली ६ हजार ६ सय ९९ मतान्तरले दोस्रो पटक प्रदेशसभा सदस्यमा निर्वाचित भएकी हुन्। त्यसैगरी स्वतन्त्र उम्मेदवार राजन कुमार श्रेष्ठ तेस्रो भएका छन्। श्रेष्ठले ५ हजार ९ सय ४५ मत प्राप्त गरेका छन्।
सत्ता गठवन्धनबाट समाजवादीकी लुङ्गेलीले टिकट पाएपछि माओवादी केन्द्रका श्रेष्ठले स्वतन्त्रबाट उम्मेदवारी दिएका थिए
क्षेत्र नं. १ ख मा कूल खसेको ३७ हजार ९ सय ७२ मतमध्ये ३६ हजार ७१८ मत सदर र १ हजार २५४ मत बदर भएको थियो।
लुङ्गेली निर्वतमान प्रदेश सभा सदस्य हुन् भने लामा लालबन्दी नगरपालिकाकी निर्वतमान उपप्रमुख हुन्। त्यसैगरी श्रेष्ठ लालबन्दी नगरपालिका-८, को निवर्तमान वडाध्यक्ष हुन्।
प्रतिक्रिया दिनुहोस !
