सन्धिखर्क: अर्घाखाँचीको सन्धिखर्कस्थित सभा गृहमा प्रतिनिधि सभातर्फ प्रत्यक्ष मतपत्रको मतगणना गर्न सन्धिखर्क नगरपालिकाका विभिन्न मतदान केन्द्रका मतपेटिका भुइँमा खन्याइयो।
'भुइमा मतपत्र आइसकेपछि मतगणनामा खटिएका कर्मचारीले मतपत्र मिलाउन थाले । त्यहाँ एक मतपत्र खाली थियो । सँगै एउटा कागज पनि थियो । कागजमा के रहेछ भनेर हेर्दा मतदाताले लेखेको पत्र नै पाइयो,' जिल्ला निर्वाचन अधिकृत सुरेस भण्डारीले भने ।
मतपत्रमा लेखिएको थियो, 'पटक पटक परीक्षण भएका नेतालाई कति भोट हालम । त्यसैले यो पटक कसैलाइ भोट नदिने निर्णय गरेँ । कुनै उम्मेदवारमा पनि राजनीतिक संस्कार पाइन ।'
'स्थानीय, प्रदेश र प्रतिनिधि सभाको चुनावमा पटकपटक जितेका जनप्रतिनिधिबाट आजसम्म अर्घाखाँचीको विकास योजनामा कसैको ध्यान पुग्न सकेन । अब ४/५ वर्ष पछि हुने स्थानीय चुनावमा सन्धिखर्क नगरपालिकाको मेयर पदमा उम्मेदवार दिएर विजयी भएर कसरी हो काम गर्ने, भन्ने उदाहरण देखाउनेछु । अनि मबाट सिक्नेछन् प्रदेश र प्रतिनिधि सभाका उम्मेदवारले ।'
'विकासका लागि आएको अरबौ बजेट अलिअलि काम गरे जस्तो गरी उही नेता र नेताका विचौलिया खाँदा ठिक्क छ । मत गन्दै गरेको तपाइँलाई पनि लागेको होला कस्तो ब्यक्तिको मत मत गनेर विजयी घोषणा गर्नु परेको छ । सोच्नु होस् ।'
पत्रमा गोरुसिंगे सन्धिखर्कबाटो, जिल्ला अस्पतालको हालत, एउटा राम्रो कलेज, सनिधखर्क बजारको जग्गा अतिक्रमण, गरिबी र बेरोजगारी । जनताको कालो दिन । असन्तुष्ट मतदाता भन्ने लेखेर हस्ताक्षर गरिएको छ।
मतपत्रसँगै भेटिएको पत्र यस्तो छ:
प्रतिक्रिया दिनुहोस !
