तानसेन : पाल्पा निर्वाचन क्षेत्र नं १ को प्रदेशसभा १ मा नेकपा एमालेका उम्मेदवार राजुप्रसाद श्रेष्ठ भारी मतान्तरले प्रदेशसभा सदस्यमा निर्वाचत भएका छन्। एमाले उम्मेदवार श्रेष्ठले १७ हजार ६ सय ४२ मत ल्याई विजयी भएका हुन्।
श्रेष्ठका प्रतिद्वन्द्वी नेपाली कांग्रेसका श्यामकान्त खनालले १२ हजार २ सय ५२ मत ल्याइ उपविजेता भएका छन्। श्रेष्ठले ५ हजार ३ सय ९० मतले प्रतिद्वन्द्वी नेपाली कांग्रेसका खनाललाई पराजित गरेका छन्।
प्रदेशसभा निर्वाचनमा राष्ट्रिय प्रजातन्त्र पार्टीका डुलबहादुर गाहाले ४ सय ३१ मत, मंगोल नेशनल अर्गनाइजेसनका पूर्णबहादुर रुचालले २ सय ६० मत, राष्ट्रिय जनमुक्ति पाटीका भिमसेन सुनारी मगरले ८० मत पाएका छन्।
पाल्पा क्षेत्र नं १ को प्रदेशसभा १ मा जम्मा मतदाता ४९ हजार २ सय ५१ रहेका थिए जसमा ३१ हजार २ सय ११ मत खसेको थियो। खसेको मतमा ३० हजार ६ सय ६५ सदर र ५ सय ४६ मत बदर भएको थियो। पाल्पा क्षेत्र नं १ को प्रदेशसभा १ मा १९ वटा वडा पर्दछन्।
प्रतिक्रिया दिनुहोस !
