पर्वतबाट प्रतिनिधिसभा सदस्यमा एमालेका पदम गिरी निर्वाचित
मंसिर ८, २०७९ बिहीबार ९:१०:०
कुश्मा : पर्वतवाट प्रतिनिधिसभा सदस्यमा नेकपा एमालेका उम्मेदवार पदम गिरी निर्वाचित भएका छन्। भर्खरै सम्पन्न अन्तिम मत परिणाम अनुसार गिरीले २ हजा २ सय ६३ मतको अन्तरले बिजयी भएका हुन्।
उनले २९ हजार ८ सय ७२ मत प्राप्त गरेका छन् भने उनका निकटतम प्रतिस्पर्धी नेपाली कांग्रेसका अर्जुनप्रसाद जोशीले २७ हजार ६ सय ९ मत पाएका छन्। गिरी दोस्रो कार्यकालका लागि निर्वाचित भएका हुन्। यसअघि २०७४ सालको निर्वाचनमा पनि जोशीसँगै १२ हजार ५ सय मतको अन्तरमा विजयी भएका थिए।
एक प्रतिनिधिसभा र दुई प्रदेशसभा सदस्यको सिट रहेको पर्वतमा दुबै प्रदेश सभामा नेकपा एमालेका उम्मेदवार विजयी भएका छन् । क्षेत्र'क' मा एमालेका भक्त कुँवर माओवादीका सुदिप कुँवरलाई पराजित गर्दै विजयी भएका छन् भने प्रदेश 'ख'मा नेपाली कांग्रेसका ऋषिकेश तिवारीलाई पराजित गर्दै एमालेका मित्रलाल बस्याल विजयी भएका हुन्। पर्वतमा ६६ हजार २ सय २३ मत खसेको थियो ।
प्रतिक्रिया दिनुहोस !
