कञ्चनपुर ३ प्रदेशसभा १ मा समाजवादीका प्रकाश रावल विजयी
मंसिर ८, २०७९ बिहीबार ११:१६:०
महेन्द्रनगर : कञ्चनपुर निर्वाचन क्षेत्र नं. ३ प्रदेशसभा (१)मा नेकपा एकीकृत समाजवादीका प्रकाश रावल विजयी भएका छन्। मुख्य निर्वाचन अधिकृतको कार्यालयले सार्वजनिक गरेको अन्तिम मतपरिणाम अनुसार उनले ८ हजार ७ सय १८ मत ल्याएर प्रदेशसभा सदस्यमा निर्वाचित भएका हुन्।
उनी सुदूरपश्चिम प्रदेश सरकारको आर्थिक मामिला तथा योजना मन्त्री पनि हुन्। उनका निकटतम प्रतिस्पर्धी राप्रपाका धर्मराज जोशीले ६ हजार ८ सय ५८ मत ल्याए भने नेकपा माओवादीका टिकेन्द्रप्रसाद भट्टले ४ हजार ६ सय ८६ मत पाएका छन्। यस क्षेत्रमा सत्तागठबन्धनका माओवादी केन्द्र र एकीकृत समाजवादीबीच मित्रवत प्रतिस्पर्धा भएको थियो ।
निर्वाचन कार्यालयका अनुसार ४६ हजार ५८४ मतदाता रहेको यो क्षेत्रमा २७ हजार ३४ मत खसेको थियो। जसमा १ हजार ३८४ म तबदर भएका छन्।
प्रतिक्रिया दिनुहोस !
