काभ्रे: काभ्रे जिल्लाको प्रतिनिधि सभा १ को प्रदेश सभा (क) बाट नेकपा माओवादी केन्द्रका उम्मेदवार रत्नप्रसाद ढकाल बागमती प्रदेश सभा सदस्यमा विजयी भएका छन् ।
ढकाल बाम लोकतान्त्रिक गठबन्धनको साझा उम्मेदवार हुन् ।
ढकालले प्रतिष्पर्धी नेकपा एमाले पार्टीका उम्मेदवार दिलबहादुर तामाङ दिलीपलाई ९ हजार ४४२ मतान्तरले पराजित गर्दै विजयी भएका हुन् ।
निर्वाचन अधिकृत दुर्गाप्रसाद खनालका अनुसार माओवादी केन्द्रका उम्मेदवार ढकालले २० हजार ७२० मत प्राप्त गरी विजयी भएको जानकारी दिए । उनका निकटतम प्रतिष्पर्धी एमालेका तामाङले ११ हजार २७८ मत प्राप्त गरेका छन् । अघिल्लो ०७४ को निर्वाचनमा पनि सोही क्षेत्रबाट एमाले र माओवादीका साझा उम्मेदवारको रूपमा प्रदेश सभा सदस्य मा नै विजयी भई ढकाल बागमती प्रदेशको युवा तथा खेलकुद मन्त्री समेत थिए ।
प्रतिक्रिया दिनुहोस !
