दोलखा : दोलखाको प्रदेशसभा १ मा बिहीबार भएको मतदानमा करिब ५३.२४ प्रतिशत मत खसेको छ।
यहाँको दुई स्थानीय तहका १० वटा मतदान केन्द्रमा बिहीबार पुनः मतदान भएको हो।
निर्वाचन जारी रहेको बैतेश्वर गाउँपालिका-६ को बैतेश्वर माध्यमिक विद्यालय मतदान केन्द्रको क, ख, ग मा ४९ दशमलव ४३ प्रतिशत, वडा नम्बर २ को जनज्योति माध्यमिक विद्यालय पुतलीकाठका मतदान केन्द्र क र ख मा ६४ दशमलव ८३ प्रतिशत तथा वडा नम्बर ३ को कालीढुंगा मावि मतदान केन्द्रका क, ख र ग मतदान केन्द्रमा ४६ दशमलव १३ प्रतिशत मत खसेको छ।
यस्तै, तामाकोशी गाउँपालिका ३ हेल्थपोस्ट भवन जफे मतदान केन्द्र क र ख मा ५७ दशमलव ३८ प्रतिशत मत खसेको निर्वाचन आयोगले जनाएको छ।
दोलखाका १० मतदान केन्द्रमा शान्तिपूर्वक रूपमा मतदान जारी छ। छिटपुट घटनाबाहेक शान्तिपूर्वक निर्वाचन जारी रहेको दोलखा प्रहरीले जनाएको छ।
प्रतिक्रिया दिनुहोस !
५
